ARABAKO ERRIOXAKO IKASTOLAK

HEZKUNTZA PROIEKTUA

3 IKASTOLA:

859  IKASLE, 81  IRAKASLE

Arabako Errioxan euskararen hazia ereiten aitzindariak izan dira Arabako Errioxako Ikastolak. 45 urte baino gehiago izan dira gure eskualdeari eta eskualdearen inguruan dauden herriei emanak. Ilusio betez gure inguruari hezkuntza proiektu modernoa, aitzindaria eta euskalduna eman nahi izan diogu. 

Gurasoek norbere herrian sortutako ekimenak izan dira ikastolak, herritik sortuak eta herrirako pentsatuak. Herri bakoitzean gurasoek izandako ametsak asmo sendo bilakatu zituzten gaur egun ditugun ikastolak sortuz.

Eskualdea puntatik puntara hartuz hiru ikastola ditugu Oionen, Lapuebla de Labarca eta Bastidan eta hiruron artean osatzen dugu Arabako Errioxako Ikastolak Hezkuntza Proiektua. Haurtzaindegitik hasita batxilergora arteko ibilibidea eskaintzen dugu. Kalitate handiko eta berrikuntza pedagogikoz betetako hezkuntza proiektua osatzen dugu hiru ikastolok.

Arabako Errioxako Ikastolok Euskal Herri osoko ikastolekin elkarlanean Ikastolen Elkartea osatzen dugu. Ikastolen Elkartearen bidez etengabeko formakuntza jasotzen dugu zentroetan eta ikastolon material propioa dugu gure ikasleek konpetentzietan oinarritutako ikaskuntza izan dezaten.

111 IKASTOLA – 57.322 IKASLE

 Euskal Herri osoan gaude, herrietan txertatuak, 111 ikastolatan; 4.500 irakaslek, 500 langile ez irakaslek, 57.322 ikaslek eta parte hartze zuzena duten haien gurasoek -gehienak kooperatibista dira eta- osatzen dugu ikastolen komunitatea. Eskaintza integrala dugu; 0 urtetik hasita, Batxilergoraino eta Lanbide Heziketaraino. Hezkuntza eredu propioa dugu; ikasmaterialen sorkuntzan eta irakasleen prestakuntzan aitzindari izateaz gain, etengabe lanean dihardugu hobekuntzan. Pedagogia aurreratu eta aurrerakoia dugu; euskal curriculuma dugu ardatz eta oinarri. Hezkuntza euskalduna eskaintzen dugu, eleaniztasun sendoz, eta aitzindari gara Informazio eta Komunikazio Teknologiaren erabileran. Bizia da ikastola.

IKASTOLA EREDUA

111 ikastola eta 57.322 ikasle biltzen gara Ikastolen Elkartean. Ikastola bakoitzak bere historia eta ibilbidea ditu, eta bere inguruaren errealitatera egokituta dago; baina guztiok partekatzen ditugu ezaugarri garrantzitsuak.

Ezaugarri horien multzoari deitzen diogu Ikastola Eredua.

Haurra ikastolara datorren lehenengo egunetik, familiarekin bat egiten dugu umearen garapen afektiboa, emozionala, sentsoriala eta kognitiboa sustatzeko. Testuinguru lasai eta natural batean, pertsona osasuntsuak eta buru askeak heztea dugu helburu.

0-6 etapatik hasita, beren burua eta ingurua ezagutzeko eta baloratzeko, eta bizitzan zehar izango dituzten erronkei eta arazoei irtenbide egokiak bilatzeko tresnak eta baliabideak eskaintzen dizkiegu ikasleei.

Euskara eta euskal kultura, hezkuntza euskalduna da ikastolona. Ikasle euskaldun eleanitzak nahi ditugu, Informazio eta Komunikazio Teknologietan trebatuak.

Gure hezkuntza eredua garatzeko ikas material propioak sortzen ditugu, eta etengabeko hobekuntzan eta prestakuntzan diharduen irakasle eta profesional talde handi baten eta guraso eta bazkide konprometituen gidaritzapean egiten dugu lan.

Horrela lortu dugu ikastolok aitzindaritza pedagogikoa; geure-geureak ditugun ezaugarriekin lortu ere.

Hori da gure eredua, hori da Ikastola eredua.

EUSKALDUNA
EUSKARATIK MUNDURA!

Ikastolan euskaraz bizi gara, eta euskaraz bizi nahi dugu Euskal Herrian. Euskaraz munduratzen gara, eta mundua euskaraz ekartzen dugu ikastolara. Euskal Herritik mundura goaz, euskaratik, euskaran ardaztutako eleaniztasunarekin, gure hizkuntza proiektuarekin.

Iturri zaharretik
edaten dut,
ur berria edaten,
beti berri den ura,
betiko iturri zaharretik.
Joxean Artze
HERRITARRA
HERRITIK SORTUAK, HERRIARENTZAT

Hezkuntza zerbitzu publiko gisa ulerturik, herritarrengandik hurbilen dagoen erakundetzea du ikastolak: kooperatiba da. Gurasoak dira kooperatibista, eta haiena da azken hitza, haiek erabakitzen dute. Gizarte partaidetza eta erantzukizuna ditu ardatz. Hezkuntza ulertzeko eredu propioa du, herriari eta herritarrei itsatsia, haien zerbitzura. Ikastolen Elkartean batzen da beste ikastola guztiekin batera, Europar Kooperatiban. Euskal Herrirako eredua da ikastola.

ERALDATZAILEA
HEZKUNTZA ERALDATZEN!

Hezkuntza zerbitzu publiko gisa ulerturik, herritarrengandik hurbilen dagoen erakundetzea du ikastolak: kooperatiba da. Gurasoak dira kooperatibista, eta haiena da azken hitza, haiek erabakitzen dute. Gizarte partaidetza eta erantzukizuna ditu ardatz. Hezkuntza ulertzeko eredu propioa du, herriari eta herritarrei itsatsia, haien zerbitzura. Ikastolen Elkartean batzen da beste ikastola guztiekin batera, Europar Kooperatiban. Euskal Herrirako eredua da ikastola.

HEZKUNTZA EREDU PROPIOA
EUSKAL CURRICULUMEAN ETA KONPETENTZIETAN OINARRITUA
kaslearen irteera profiletik abiatuta, marko pedagogiko propioarekin, euskal curriculumean eta konpetentzietan oinarritzen da ikastola eredua. Hizkuntzen trataera integral eta integratua garatzen du, euskaran ardazturiko planteamenduarekin. Arlo guztietan txertatzen ditu oinarrizko konpetentzia orokorrak eta konpetentzia digitala. Pentsatzen eta ikasten, komunikatzen, elkarrekin bizitzen, norbera izaten, eta egiten eta ekiten jakin behar du ikasleak. Hezkuntza integrala dauka, ikasmaterial propioekin.